Երկու գիգանտներ պայքարում են Sky բառի համար
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEivIlu3sbRHEp0q-pe4WdEyCtLFsQDHEPQJU9vni-IVNvoy62pSUnOMagMnfwRzW3uSx3N5YYRHp3Av-nFdb-SlE2gOXUnYXwhoB8gwKc_ms8JS-GmjHroZ3A8HLUOn_dIHbOXSyHttHEQ/s640/Microsoft-SkyDrive%5B1%5D.jpg)
Անգլիայի գերագույն դատարանի որոշմամբ Microsoft ընկերությունը պարտավոր է փոխել իրեն պատկանող SkyDrive ծառայության անունը: Ըստ դատարանի վճռի` Microsoft-ը խախտել է վճարովի հեռուստատեսություն տրամադրող եվրոպական ամենահեղինակավոր ընկերություններից մեկի՝ British Sky BroadCasting Group-ի (BSkyB) հեղինակային իրավունքները: BSkyB պրովայդերին են պատկանում Sky բառը պարունակող մի քանի ալիքներ (Sky One, Sky Sports և Sky Movies): Ընդ որում, Microsoft-ը պարտավոր է փոխել SkyDrive ծառայության անունը ոչ միայն Մեծ Բրիտանիայում, այլև ամբողջ աշխարհում: Դատավոր Սառա Ասպլինի կարծիքով SkyDrive ծառայության անվանման մեջ պարունակվող Sky բառը կարող է օգտատերերին թյուրիմացության մեջ գցել: Այսպիսով Microsoft-ը պարտավորվում է խելամիտ ժամկետում փոխել SkyDrive ծառայության անունը, իսկ BSkyB-ն իր հերթին խոստացել է, որ Microsoft-ին կտա այնքան ժամանակ, որքան կպահանջվի այդ գործողությունը առանց լուրջ վնասների անելու համար: