Microsoft-ի գլխավոր տնօրեն է նշանակվել հնդիկ Սատյա Նադելլան
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEjsY6iRzH_rEPT9fwskt71wiMEqi5O6SIeMkrDl-cRuW5XAA3pIX95-g4iyZcbqpgMDGpTv3shg3SJ6S4Zbj4JgOmf7M9lb934pKiHz_cgr-JT01pQyDUDoEgvB399ZXOqiIVyXFk7TZcQ/s1600/01_low%5B1%5D.jpg)
Microsoft ընկերության նոր գլխավոր տնօրեն է նշանակվել հնդիկ Սատյա Նադելլան։ Նա այդ պաշտոնում փոխարինել է Ստիվ Բալմերին և փաստորեն հանդիսանում է Microsoft-ի երրորդ գլխավոր տնօրենը՝ Բալմերից ու Բիլ Գեյթսից հետո։ Հիշեցնեմ, որ ամիսներ առաջ Բալմերը հայտնել էր, որ հեռանում է այդ պաշտոնից։ 46-ամյա Նադելլան հանդիսանում է Microsoft ընկերության վետերաններից մեկը։ Նա Microsoft-ում աշխատում է 22 տարի։ Microsoft ընկերության հիմնադիր Բիլ Գեյթսը հայտնել է տնօրենների խորհրդից հեռանալու մասին։ Նա կմնա Microsoft-ում որպես գլխավոր տնօրենի տեխնիկական խորհրդական։
Սատյա Նադելլան ծնվել է 1967 թվականին Հնդկաստանում։ Նա ավարտել է Մանգալոր քաղաքի համալսարանաը, որտեղ ստացել է ինժեներ-էլեկտրիկի մասնագիտություն։ Հետագայում աշխատանքի է անցել Microsoft-ում և վերջերս ղեկավարում էր Microsoft-ի ամպային ծառայությունների ստորաբաժանումը։